Him’s (中海日升中心) (已結業)

星期五嘅team lunch去咗呢间Him’s 餐厅食， 话就话系team lunch, 其实得四个人。 大约1:15到， 去到都有好多人等位。 等咗大约10分钟就有位， 其间， 斜对面有间餐厅可能冇乜人帮衬， 个阿叔好落力叫人唔好浪费时间， 浪费公钱， 叫大家过去帮衬㖞、但佢把声实在大刺耳， 顶唔顺！ 未正式安排入坐时已经点好野食。 是日叫咗牛扒配cuttle fish sauce(唔记得中文系咩）配饭， 餐汤同埋沙律之间，我拣咗沙律。一坐低，沙律就即刻送上枱面，沙律系沙律菜加豆腐配日式芝麻酱，味道不过不失， 旧豆腐都几滑。 主菜好快就上枱，食咗一啖饭先，觉得个饭有少少味道，唔知点样形容，我同事话有味嘅原因系冇洗米， 不过都接受到嘅。 块牛扒冇肉味，食粉落多咗小小、而个墨汁酱就变咗日式烧汁。 买单连冻饮93蚊， 呢个价钱可以有好多高质选择。 但呢间餐厅有做善事帮有需要嘅人， 比返个like你啦。