影片
更多
2020-04-07
1422 浏览
原本谂住喺Angelini 拍我第一集嘅YouTube 餐厅介绍片，而正当所有嘢都准备好晒嘅时候，恶梦终于嚟啦。入到门口接待处，虽然我同佢哋其中一个经理有眼神交流，但仍然企咗大概两分钟先有人带位。坐低之后乜嘢都未讲，经理第一句就同我讲呢度唔可以录影，咁都唔紧要啦，但系态度实在系太差。讲下其他嘢，坐低之后张枱已经摆好咗消毒湿纸巾同埋印有香格里拉Logo嘅信封入囗罩，呢种无微不至绝对系加分位。去到食物啦，我同朋友就叫咗佢地嘅Set Lunch menu，$388四道菜。由于疫情关系，餐厅喺二月头就已经当机立断停咗𠮶appetizers buffet，呢一点抵赞。头盘方面我拣咗牛舌，而我𠮶朋友就拣咗海鲜沙律，两份都喜出望外，特别系牛舌就直头系想要多份。之后嘅第二道菜系例汤，𠮶日嘅「是日例水」系番茄汤，讲真心话，我而家求其噏个食谱出嚟都整得好味过佢，完全唔明间餐厅点谂，咁系𠮶日冇得拣嘅情况之下，就唯有饮咗佢啦。之后嘅主菜我哋就嗌咗意大利云吞同埋阔条面，最主要都系想试下啲手工嘢。简单讲一两句，份量系够，味道就好一般，总括嚟讲真系好失望。好老实，意大利餐厅要喺香港立足真系好难：1.）一来意大利菜对
入到门口接待处，虽然我同佢哋其中一个经理有眼神交流，但仍然企咗大概两分钟先有人带位。坐低之后乜嘢都未讲，经理第一句就同我讲呢度唔可以录影，咁都唔紧要啦，但系态度实在系太差。
讲下其他嘢，坐低之后张枱已经摆好咗消毒湿纸巾同埋印有香格里拉Logo嘅信封入囗罩，呢种无微不至绝对系加分位。
去到食物啦，我同朋友就叫咗佢地嘅Set Lunch menu，$388四道菜。由于疫情关系，餐厅喺二月头就已经当机立断停咗𠮶appetizers buffet，呢一点抵赞。头盘方面我拣咗牛舌，而我𠮶朋友就拣咗海鲜沙律，两份都喜出望外，特别系牛舌就直头系想要多份。
之后嘅第二道菜系例汤，𠮶日嘅「是日例水」系番茄汤，讲真心话，我而家求其噏个食谱出嚟都整得好味过佢，完全唔明间餐厅点谂，咁系𠮶日冇得拣嘅情况之下，就唯有饮咗佢啦。
之后嘅主菜我哋就嗌咗意大利云吞同埋阔条面，最主要都系想试下啲手工嘢。简单讲一两句，份量系够，味道就好一般，总括嚟讲真系好失望。
好老实，意大利餐厅要喺香港立足真系好难：
1.）一来意大利菜对于食材嘅新鲜度同品质要求好高（加上又要叫飞机货，经营成本一定高）
2.）二来系唔啱食，一般平民百姓或者普罗大众好多时候根本食唔到手工同订返嚟嘅分别，而即使你最后煮到 Al Dente，香港嘅食客都只会投诉你，叫你再煮过。（所以点解香港嘅意大利餐厅越行越Fusion ）
3.）再者，意大利菜同刁钻复杂嘅法国菜比系行简单直接路线，最多系考下你打意粉、搓面团、整云吞手工。但去到摆碟、砌碟就更加难同法国𠮶种众取宠，尤如艺术品嘅效果相提并论啦。（简单啲讲，喺呢个时代唔instagrammable，好大镬 ）
总括而言，如果系普通街边餐厅嚟讲都算系唔错，但系依家系讲紧九龙香格里拉一间咁享负盛名酒店嘅餐厅，实在系唔合格啦。服务嚟讲，除咗戴眼镜𠮶位男经理之外其他员工都好有礼貌，最后大厨仲出嚟同我哋影幅相，算系补返数啦。
Seafood Salad
28 浏览
0 赞好
0 留言
Ox tongue
21 浏览
0 赞好
0 留言
Ravioli
30 浏览
0 赞好
0 留言
Fettuccine
44 浏览
0 赞好
0 留言
张贴
