壹壹漁一 (已結業)

冇乜人介绍这里的lunch buffet, 等我写个食评先。查询过父亲节正日都冇加价，$98加一，抵食！可惜我哋父亲节约唔齐人，所以提早食庆祝。Lunch buffet时间12-2pm, 我哋一行8大人2小，11:45就到，等一阵才可入座，不过安排了3张2人枱拼埋，感觉有d逼，出入都要隔离位让位，明明隔离仲有一张2人枱吉咗，唔知点解唔俾埋我哋。未到12点未食得，咁我有机会影吓相。饮品ok的，不会淡而无味。海南鸡是新鲜鸡，正！青口很肥美，吃了很多回！牛腩都炆得够淋！三款都即炸，唔怕热气可以食多d，尤其春卷，真系好味。即灼汤河，自选𩠌菜，阿姐好识做，知我哋吃自助餐的人爱每款吃少少，所以只俾少少面。肥牛入口即溶冇渣，好吃！虽然沙律和甜品麻麻地，但热食绝对值回票价。因为吃热食多，所以一小时后，大家就饱，停晒手。咁平的价钱，有这样的质素，我哋收货了！希望将来有其他主题，会再来光顾。