Pier 7 Cafe & Bar

Happy Friday打算食豪D，行过来码头睇下有咩好食。无意中见到呢间Pier 7 cafe and Bar, 就试下佢个lunch buffet. 佢主要以木材做装修，有露天位，不过天阴阴就冇人坐出去。环境好好，坐得舒服，如果唔系lunch hour得1个钟，我会系个度慢慢享受。HKD128只有1杯冻柠茶，食物种类唔算多，蔬菜多，少肉，要饮汤就另外加10蚊，真系要问句点解既，其实佢个汤只不系普通粟米汤。食物分别列系2边，右边主要系沙律同包类，生菜好鲜甜，有烟肉、车厘茄等做配料，但酱就酸左D。面包我冇食到，但同事话OK，个虾片好食，所以拧左好多。左边系熟食蔬菜，最好食系焖蘑菇，同薯仔，豆角同南瓜都好淡，其实食左唔系好多。全埸唯一肉类系烧鸡，只鸡几嫩滑，因为有D未熟，所以都食左少少唔系好敢食。而佢杯冻柠茶系唔错的，好新鲜的柠檬味。总体来讲呢间系食个环境，系中环128算系咁，但唔系好抵食。