The Place

第一次黎呢间餐厅，啱啱系朗豪坊整嘢，整完睇下唔晒排队，即刻去食。刺身八爪鱼有小小渣，唔太爽脆，三文鱼，希灵鱼算中规中矩，冇咩特别；螺有D沙，个人用咗清水洗咗后先食，都几好味，青口，小龙虾，虾都OK；牛扒感觉用慢火焗熟，口感差D，有D似水煮出黎D感觉；串烧个五花肉完全嚼唔烂，茄瓜好似烧得唔够熟，食到口有好大苦涩味；熟食都中规中矩，烧卖个皮多咗D面粉，牛肉球几好味；片皮鸭记得一定要趁热食，very good；甜品基本上都好好味（个人意见，仅供参考）；movpick雪糕都好好味，有个芒果味好酸，唔钟意食酸嘅可以唔拣；生果都几甜；饮品设有免费区，可以自己冲自己调配。