影片
更多
2015-10-18
3338 浏览
为友人庆生，想食日本菜，无意中search到Hanabi，系以前Nobu既师傅Michael Chan主理。大家都钟意去小店，所以就lunch黎试下。有几款唔同既寿司刺身set，不过一场黎到，就梗系试下Omakase啦！沙律，前菜：日式柚子醋配上蔬菜，菜新鲜，己经好好味，好开胃。前菜有三款，牛蒡，芝蔴酱菠菜，腐皮，腐皮质感特别，好有豆香。三色刺身：Michael建议我地由上面开始顺时针食，第一只鱼已经唔记得系咩，爽口鲜甜。牡丹虾好弹牙，好少食虾既我都忍唔住。最后系我最爱既金目鲷，轻轻火炙后带出鱼香，完全唔舍得吞。食完刺身就食寿司，一件一件0系我地面前整，仲提我地要30秒之内食。成个餐有8件，我就拣d记忆深d既写啦。带子寿司：望到就知好新鲜，摆入口好软滑，系一个好好既序幕。石班寿司：好弹牙的质感，生既更加鲜味！柚子伊佐木：望到鱼上面点点柚子，闻落好香柚子味，完全唔需要配豉油，将伊佐木既鲜味提升到另一层次。深海池鱼：有我最爱的银身鱼，好肥好厚身的池鱼，鱼味超浓，钟意食鱼既人一定好钟意。吞拿鱼：最后一件系赤身，平时觉得赤身唔好味，但系呢件简直系赤身中的极品。油份比平日的赤身重，入口好似食紧t
有几款唔同既寿司刺身set，不过一场黎到，就梗系试下Omakase啦！
沙律，前菜：日式柚子醋配上蔬菜，菜新鲜，己经好好味，好开胃。前菜有三款，牛蒡，芝蔴酱菠菜，腐皮，腐皮质感特别，好有豆香。
三色刺身：Michael建议我地由上面开始顺时针食，第一只鱼已经唔记得系咩，爽口鲜甜。牡丹虾好弹牙，好少食虾既我都忍唔住。最后系我最爱既金目鲷，轻轻火炙后带出鱼香，完全唔舍得吞。食完刺身就食寿司，一件一件0系我地面前整，仲提我地要30秒之内食。成个餐有8件，我就拣d记忆深d既写啦。
带子寿司：望到就知好新鲜，摆入口好软滑，系一个好好既序幕。
石班寿司：好弹牙的质感，生既更加鲜味！
柚子伊佐木：望到鱼上面点点柚子，闻落好香柚子味，完全唔需要配豉油，将伊佐木既鲜味提升到另一层次。
深海池鱼：有我最爱的银身鱼，好肥好厚身的池鱼，鱼味超浓，钟意食鱼既人一定好钟意。
吞拿鱼：最后一件系赤身，平时觉得赤身唔好味，但系呢件简直系赤身中的极品。油份比平日的赤身重，入口好似食紧toro咁，真系好惊喜！
蒸蛋：以呢个价位黎讲，真系完全唔合格，睇相都见到系overcook左。
银鳕鱼西京烧，汤：个皮好香脆，鱼身够滑，系细件左dd。汤都系一般miso soup，无咩特别。
红豆雪糕：最后有几款雪糕拣，拣左红豆雪糕，好香红豆味，为呢餐划上句号。除左蒸蛋外，整体都好满意，一边食一边同师傅倾下计，钟意呢种小店的感觉。
张贴
