九井食堂 (香港仔中心) (已結業)

如果想喺香港仔食寿司，选择真系唔多，来来去去都系元气或者大马路一出𠮶间日本野，但相对地都有返好耐历史，而九井寿司算系呢一年先开业嘅新寿司店，无论环境格局，定系餐点种类都十分之多，不失为一个好选择。呢度卖点之一，就系有类似萨莉亚𠮶种无限添饮嘅饮品吧，每人$13，汽水咖啡茶甚至沙冰都系任饮！😀但繁忙时间通常都会限时，好似我星期日下午茶时段就限45min。我地2个人就叫左个定食set同散嗌左d寿司，价钱方面的确性价比颇高，唔使$100已经有8件寿司连天妇罗同茶碗蒸嘅set😋寿司质素正常，亦唔会话薄到透光，饭size亦正常，食晒个set都几饱下。呢度有个火炙大满足$65有5款好热门嘅火炙寿司，海胆手卷都系$52，系加拿大海胆黎，甘甜得黎紫菜都keep到脆口。