Wanna Eat

营业中

休息中

喺附近返工，都好耐冇嚟食呢间Wanna Eat。舖头细细间，次次中午嚟到都冇位坐。今次终于趁星期一人少少可以再过嚟食。Cafe嚟讲呢间嘅Set餐都算系实惠，70蚊左右起。我嗌咗个鸡皇忌廉意粉 $68，包餐汤 (罗宋汤)。另外加3蚊可以多杯冻饮，都算系几抵食嘅。上到枱，见佢杯冻奶茶都好似几唔错，个杯几有颜值。饮品好正路，糖水系另上比你自己落，唔错嘅。不过个意粉就有少少失望喇。🤔🤔意粉质感偏向硬身同干身，好似唔系煮得太熟透。个忌廉汁味道OK，啲鸡肉都整得够味同嫩滑，如果个面多返啲汁，啲面再熟林啲会好味好多。之前饮过佢哋咖啡都好唔错嘅，希望下次过嚟啲意粉整得更好味啦。