桂月 (已結業)

众所周知深水埗一带开咗好多文清打卡Cafe，我身为一个伪深水埗人，当然会去试吓唔同嘅Cafe比较吓，今日我哋就拣咗桂月。店舖唔系好大，装修亦都唔算花巧，带点工业风，简约就是美。午市套餐包咗汤或沙律，我哋一行二人当然拣各一开心share吓，田园沙律用多款唔同嘅沙律菜再加埋车厘茄混合而成，上面淋上沙律酱，味道简单又清新。是日餐汤系甘笋汤，冇太多浓烈嘅调味，令甘笋味更加突出，好香好滑。今日唔想食咁多淀粉质，所以我哋其中一份就拣咗牛油果烟三文鱼墨西哥卷配田园沙律，实行多菜少肉。除咗旁边伴碟嘅田园沙律，墨西哥卷入面都有劲多沙律菜，再配以适量嘅烟三文鱼。西西里蕃茄酱肉丸意大利粉嘅蕃茄酱味道酸酸甜甜，仲有好多蕃茄肉，肉丸总共有四粒，口感比较软身，味道都唔错。跟餐嘅果汁唔使加钱，菠萝汁酸酸甜甜，有好香嘅菠萝味。红莓汁就最啱女士饮用，味道清新，而且够晒冰冻。