老掌櫃東北菜館 (已搬遷) 新店位置

喺区内依间老掌柜应该都几出名，有几次夜晚经过都见到有人排队。之前成日听到有同事介绍，食过一次后觉得真系几唔错，间唔中都会好想食。佢嘅lunch个人认为都几抵食，有好多唔同选择包括各种客饭、汤面、水饺等。而且价钱都系around $40-50。缺点就系野饮要另外再加钱，不过佢本身都有提供茶。今次同人share叫左秘制杭州骨同埋菠萝咕噜肉嘅客饭。秘制杭州骨系我每次黎都必点。个汁调得岩岩好，酸酸甜甜咁，捞饭一流。而且好中意佢搭配埋洋葱同薯仔，好好味啲骨整到好细旧同埋比较碎，但系分量都好多。不过如果比我拣，我会觉得整大旧啲食到啖啖肉会更好。至于咕噜肉都好食，而且分量亦同样系好多。饭嘅分量已经够多，食完啲饭都仲有好多𩠌剩低。觉得依度啲𩠌真系好抵食，大大碟而且又唔贵，绝对食得饱。如果多人黎食，仲可以每人叫唔同嘅小菜share添，每样𩠌睇落都好下饭。