漁匠屋

营业中

休息中

好耐之前有食过佢既dinner，当时觉得质素不错。最近知道原来有lunch set $75， 性价比好似唔错咁，就去试下。当日lunch唔洗等位，但入埋我地都刚好full了。lunch有6个定食选择，跟沙律同汤，dinner就只有一碗鱼生饭。记得dinner都有一碗黑蚊蚊既鱼生饭好多人叫，见lunch都有类似，就叫左黑丼，有甜虾蓉、间八鱼、北寄贝同黑飞鱼籽，材料十分丰富新鲜，味亦都好够，唔洗再加豉油同芥末。 一路食嘅时候，觉得好似有阵罗宋汤嘅味，饭系暖暖地，唔知系咪因为佢个汁，唔系平时既寿司冻饭。本身以为杂锦鱼生丼会好细粒既角切，见到朋友点既又觉得唔错，好丰富料又大粒，有诚意既，下次应该会试下依个。