太興 (企業廣場)

营业中

休息中

今日有嘢做晏咗食饭，老公之前已经食咗嘢，佢陪我嚟到呢个mall，唔知食咩好，太兴都算多选择，入去坐低未够两点，可以午餐，也可以等一阵有下午茶。呢度有对外望到外面环境嘅座位，好开扬，也有大量卡位，二人卡位都坐得舒服。先叫一个午餐，满熏鹅丝雪菜炆米粉，好耐冇食雪菜炆米，师傅手势唔错，抄得好香，热辣辣，好好味，如果鹅丝再多啲就更理想。个餐包饮品，叫咗杯热奶茶，花奶份量够，茶也够香浓，有水准。过咗两点可以叫下午茶，茶餐鸡蛋西多士，西多士好大件好厚，糖浆任落，新鲜炸起好香口。加三蚊饮冻奶茶，原来呢度系冰镇奶茶，正呀！午餐都有烧味饭，太兴烧味出名好食，外卖加𩠌也不错呢。