糖心軒

营业中

休息中

呢间酒楼lunch time嘅点心都唔错，而且价钱都算合理，三个人食咗$411，八个点心。虾饺几好食，虾够大粒，饺皮够薄，馅料新鲜。山竹牛肉都做得唔错，畀平时食到嘅少啲肥肉，有捞马蹄落去所以食嘅时候好爽。叉烧包都ok，开头以为一笼得两个原来佢有三个，入面啲馅真系有叉烧粒唔系净系叉烧酱捞啲肉碎。叉烧肠啲芫茜好香，啲叉烧都ok嘅。腐皮卷不过不失，唔算好油，啲馅料都算新鲜。煎酿三宝就少少尴尬啦，真系得三粒，仲要每个款得一粒。印象中好耐冇食过牛柏叶，煮得几难。因为惊唔够饱所以叫多个马拉糕，佢个马拉糕做得几香，而且仲有瓜子仁，几好食。