MOONKOK (K11 Art Mall) (已結業)

呢间餐厅Lunch Time去，可以静静地同朋友倾吓计的确唔错，佢D野食都OK，可以再encore。呢个应该系佢地嘅signature因为个名叫做MOONKOK和牛汉堡配薯条，味道都OK无拆自己招牌。呢度嘅和牛汉堡牛味香浓但系又唔会太油，佢加咗块烟肉落去增加返个Burger嘅咬口感觉，呢个几好。其他配菜同薯条都OK啦。仲有佢个面包嘅质素都唔错。呢个系烧春鸡(半只)配烧汁炒杂菜，呢个有惊喜，以$138呢个价钱算系抵食。只鸡够热，肉质够嫩而且有肉汁，鸡皮烧到微脆，真系几好。另外佢个炒杂菜一D都唔马虎，真系唔系求其比几条菜你，而且连炒杂菜都热辣辣真系难得。佢个Set Lunch有跟餐汤无跟餐饮，是日餐汤系椰菜花汤，几好饮不过份量就少咗D。