Pizzeria La Gondola (已結業)

今日入嚟西贡嘅目的系放狗，放下放下有啲肚饿谂住揾嘢食，咁经过呢间铺店员就喺门口讲话佢楼上有位仲可以带埋狗入去添，天气咁热唔想再行，所以我哋就带埋只狗入去食嘢。佢楼上铺嘅意思系原来系第二栋房子的楼上，不过都系隔离果栋，所以好快就上咗去。set lunch$68，包一碗汤同埋一杯野饮。汤就冇乜特别，都系普通南瓜汤。嘢饮我就叫左杯冻桃汁，来到嘅时候一粒冰都无，而且杯野饮淡而无味，仲要问咗佢两次佢先俾啲冰我。田园芝士菠菜馅意大利云吞到主菜嚟到嘅时候，我个心感觉上有少少中伏，因为只有六粒薄薄的云吞。个名改得好好听，点知一食落去，系完全中伏，完全系超级市场买嘅冰鲜盒装意大利云吞，仲要应该系未完全解冻，食落去好硬以为佢＄68份量都起码食得饱，点知唔饱得来又难食。落去埋单𠮶阵望到个厨房，细到根本就唔系厨房来，唔怪得知佢整出嚟啲嘢食都系简单，同埋感觉上都系冰冻包装食物。