岳飛餐室 (已結業)

Set Lunch $68 包头盘、主菜同咖啡、茶；另外加多$20-25 有side dish 同甜品。头盘点o左两个「三文鱼牛油果酥皮」同一碗「蘑菇鸡汤」。三文鱼酥皮外形好似太空馆咁，好可爱。而所谓o既酥皮原来唔系一块块而系一条条好似千丝酥咁样；咬落松脆，味道可口~而个蘑菇鸡汤(唔系Cream Soup o黎！)呢…汤身几清，不过我o地就觉得d 蘑菇似冬菇多o的…..o的主菜大大碟好有份量，要o左「石烧火腿扒」、「石烧肉眼扒」同埋「煎三文鱼饼配他他汁」另外加个「炒什菌」同「煎鹅肝」做side dishes。石烧火腿扒个汁同埋肉眼扒都几好，但我个三文鱼饼就略为咸o左o的…不过个他他汁都几好味。炒什菌同鹅肝都系水准之作，块鹅肝$25 两只手指咁大，的的式式，入口即溶~ 正！甜品点o左个$70 o既「朱古力三重奏」大家share 食。入面有朱古力疏乎里、朱古力brownie cake + 朱古力酱同埋姜味雪糕。个人就对呢个甜品较好失望…Souffl & eacute ; 同Brownie o既朱古力味都未算香浓..反而个朱古力酱就唔差，雪糕呢..我相信除o左姜味之外仲有一种香草味，味道怪怪