淼ひよう壽司日本料理 (已結業)

今日晏昼经过元朗，见到有间新开的日本餐厅，入去试下，点知又几好㖞，服务态度又好，连米都系日本米，中午食个餐都有前菜，沙律菜，蒸蛋，面豉汤，仲可以添饭，值得一赞，嘢食方面卖相同质素非常高，我叫左个牛扒餐和牛肉㶽，D牛排肉都好淋，中午我俩人都系百零蚊埋单。呢间真系有良心价，我见到隔离枱叫左个银雪鱼餐，好正呀⋯⋯好想食但自己已经食饱了唯有下次再去食啦，重点系食物质素非常好，睇得到老板好有心去做，值得回头。