牛角Buffet (雅蘭中心)

营业中

休息中

上星期六想食烧肉放题，谂咗好耐都唔知食边间嘅时候，朋友话唔好食放题，不如食牛角啦。咁我咪上openrice睇吓附近有冇牛角，但比我揾到一间牛角buffet系旺角，咁我就打电话去问下有冇位，原来系要walk-in。星期六3:00去到门口都仲有好多人等紧位，我等咗大约半个钟先到我，喺门口等入座嘅时候已经要拣定食边款buffet，我同朋友都一致决定要食得好啲所以拣咗LV4澳洲和牛放题，每位$388。LV4澳洲和牛有入口即溶嘅感觉，相当好食，但系就好油，唔会食得太多。 我哋亦都有order LV3嘅美国S R F极上和牛，其实质素都唔差，但系同LV4澳洲和牛比较，确实LV4系好食好多。牛角平时食一个普普通通嘅牛和定食得几片和牛都要百几，高质素少少嘅烧肉盛合都要五百几，所以$388嘅和牛放题我觉得可以接受。食过唔少和牛放题，我觉得牛角buffet系有水准嘅保证，如果我再食烧肉放题，我一定首选牛角buffet。