影片
更多
2018-12-04
123 浏览
走进魔法餐厅用餐，感受不一样的晚膳体验。平时去尖沙咀行街，已经比较少经过金巴利道，更唔好讲系楼上嘅餐厅；朋友推介呢间隐世魔法餐厅，存在喺一个容易忽略嘅位置。一上到去嘅时候，门口挂起红色布，又挂住几件魔法睡袍，入座即有侍应介绍食品供客人选择。我同男朋友2个人呢日相当饿，所以点左好几样食物。.印度烤鸡翼 $78估唔到呢个78蚊嘅价钱会有四只鸡全翼!鸡肉唔算好嫩滑，但系系我钟意嘅质感，用印度香料腌制，腌得好入味，唔会辣，成个感觉充满印度风情，而且啖啖肉，芝味无穷。.虾沙律$98虾好新鲜弹牙，爽口清甜。伴以清爽沙律菜，虽然沙律醋汁味道唔系好出，但系都带到佢清新嘅感觉。.炸番薯条$68点嘅时候觉得68蚊食番薯条系几贵，因为鸡翼都只系贵佢十蚊，但系黎到嘅时候见炸番薯条系相当大份，我哋两个人其实食唔晒，炸到外脆内软嘅蕃薯条令到佢嘅甜味都出晒嚟！一食就停唔到口，而且相当饱肚。.叫咗一个饮管粉$148口感比意粉更加有咬口，中间因为穿的缘故，所以意粉酱汁吸晒入去，令到淡淡都好juicy。好大只嘅蚬相当肥美鲜甜，蒜头汁更加提升咗意粉嘅味道。.羊扒配羊肉肠$278其实我唔系咁接受到骚味，但系男朋友钟意，所以就
平时去尖沙咀行街，已经比较少经过金巴利道，更唔好讲系楼上嘅餐厅；朋友推介呢间隐世魔法餐厅，存在喺一个容易忽略嘅位置。
一上到去嘅时候，门口挂起红色布，又挂住几件魔法睡袍，入座即有侍应介绍食品供客人选择。我同男朋友2个人呢日相当饿，所以点左好几样食物。
.
印度烤鸡翼 $78
估唔到呢个78蚊嘅价钱会有四只鸡全翼!鸡肉唔算好嫩滑，但系系我钟意嘅质感，用印度香料腌制，腌得好入味，唔会辣，成个感觉充满印度风情，而且啖啖肉，芝味无穷。.
虾沙律$98
虾好新鲜弹牙，爽口清甜。伴以清爽沙律菜，虽然沙律醋汁味道唔系好出，但系都带到佢清新嘅感觉。.
炸番薯条$68
点嘅时候觉得68蚊食番薯条系几贵，因为鸡翼都只系贵佢十蚊，但系黎到嘅时候见炸番薯条系相当大份，我哋两个人其实食唔晒，炸到外脆内软嘅蕃薯条令到佢嘅甜味都出晒嚟！一食就停唔到口，而且相当饱肚。.
叫咗一个饮管粉$148
口感比意粉更加有咬口，中间因为穿的缘故，所以意粉酱汁吸晒入去，令到淡淡都好juicy。好大只嘅蚬相当肥美鲜甜，蒜头汁更加提升咗意粉嘅味道。.
羊扒配羊肉肠$278
其实我唔系咁接受到骚味，但系男朋友钟意，所以就满足咗佢，我都浅尝咗一啖，其实煮得非常出色，因为能够将羊嘅精华味摆晒出嚟。好欣赏佢嘅羊肉肠，虽然我自己觉得好骚，但系我欣赏佢嘅手工同创意，令到所有精华夹杂一齐。一定要试佢个用羊骨淆制嘅汁！点左个汁反而冇咁骚，但系你都会感受被羊尾去包围嘅感觉。.
魔法厨房带俾你唔同嘅惊喜，除咗服务同环境，食物更加会不时转换餐单，令到食客有好嘅创新感觉。价钱其实相当抵食，一般西餐厅相比，呢度嘅质素同性价比绝对高。
当大家抱住一个探索嘅心态嚟，大家就会发掘到咁多无限嘅美食魔法✨
张贴
