Mamaday (已結業)

Mamaday 好食但份量就麻麻地，而且我觉得有啲贵，一个主食+饮品+10%服务费己超过二百元，坐得又唔耐，打卡位又唔多，呢个价钱出面大把选择。🍴蜜汁香茅猪颈肉，荞麦面鱼露、有啲沙律菜咁啰 $136⭐️谂住叫牛，无，跟住叫猪手，又无，一开门就乜都冇，唯有叫猪颈肉，但肉唔够香口味道又麻麻，虾片腍嘅，荞麦面又太咸！🍴求其是但乜都炸啲啦 $98⭐️⭐️⭐️三只虾三个鱿鱼圈炸浆同味道都ok，其余垫底系腍晒嘅粗薯条，总之求其叫个鱿鱼圈仲好。🍴真心无乜惊喜大啡菇黑松露野菌意大利扁面 $122⭐️⭐️⭐️⭐️呢个有惊喜㖞，意大利扁面口感烟韧弹牙又挂汁，有大啡菇又有超多什菇，超好味，啱晒菇菇控。🍴有蟹GO又有蟹肉的蟹蟹蟹意大利扁面 $138⭐️⭐️⭐️酱汁creamy意大利扁面烟韧，蟹钳无蟹味，蟹肉蟹子还ok，整体一般般。🍴点解个个都叫软壳蟹比萨架 $138⭐️⭐️⭐️⭐️Pizza薄脆可口，加埋千岛酱、芝士同菠萝真系无得输，最正系软壳蟹够热辣饱满，仲有些少膏，呢个可以推介一下！🍴培茶牛奶无咁涩 $48⭐️⭐️⭐️⭐️呢个好味，培茶同牛奶比例刚好，真系做到茶味够香又唔会苦涩。🍴香蕉朱古力奶昔 $56x2⭐️⭐️朱古力味唔够，反而香蕉杰身咗些少