時新快餐店 (已結業)

讲真，无啦啦真系唔会经过黄埔，次次帮衬都系去大酒店前后......身为人间饮食男女之一，今次是送别监制大人叫咗个单层牛蛋芝沙律汁、薯条、菠萝冰，已经要五六十蚊，其实好贵味道方面，块肉算ok，又油又多汁，有洋葱给予的蔬菜甜味，丰富了净肉的无聊和饱滞，但其他就同细个时屋企自己落超市买个一包四个嘅嘉顿汉堡包自己夹蛋夹芝士整汉堡包一样，无咩独特性，不过可能大家就系追求呢只港味同回忆。薯条炸over咗，有啲过硬。菠萝冰又唔够冻唔够甜唔解喝。我见现场有一半以上嘅人叫饭，可能汉堡真系留番嚟招呼好似我哋呢啲游客，真正街坊还是食碟头饭比较实际饱肚。如果要怀念吓呢啲硬胶櫈港式快餐店，还是喜欢葵涌区食口褔之黄油炸翼同扒饭，始终回忆无价。纪录片《饮食男女》之英文译名为MAY FOOD KEEP US TOGETHER，这美食一聚，意义比食味重要。