AFTER TEN (已結業)

经过元朗，被After Ten简约风吸引，决定去食叹个靓brunch，不竟好耐冇自己陪自己好好出去食一餐。餐厅楼底高，装修以白色为主，枱与枱之间距离大，整体好有空间感。点咗奶油鸡肉蘑菇可丽饼做为brunch。一上菜闻到淡淡嘅奶油味。奶油汁内用上好多香料，所以食落有香草味，唔腻。质地好creamy，包著鸡肉同蘑菇，令鸡肉食落唔会嚡。对于Crepe 嘅好坏，可丽饼底举足轻重。Crepe厚薄适中，中间有烟韧感，边边位仲有少少脆。味道上Crepe本身都好香蛋味。份量比想像中大，Crepe两大卷，入面放满鸡肉同蘑菇，啖啖都好丰富。Dark Mocha 用咗70% 可可，一黎就有一阵可可香。味道有层次，首先系可可嘅甜，之后系微苦，roaster过嘅味，最后到咖啡回甘。随著一啖又一啖饮咖啡，Me time差唔多完。饮完仲keep到靓靓拉花，之前学过拉花，知道每朵花背后都藏著心思同练习，要多加欣赏。