影片
更多
2007-06-27
15 浏览
散场７点正，扶手电梯落一层，鲁一居已经一棚人等位，飞话两位要等5张，但系从外面睇都有d 4人吉。我准备走埋去话3或4位睇会唔会straight in时候，萤子拉我走，结果去呢度。萤子消化不良，冇打边炉。叫小菜佢呢样又唔好、样又唔食，话食d清清，结果佢第一样拣煎瑶柱莲藕饼（激死！咁叫清清?） 佢话无乜胃口，只叫多两个小菜–煎酿豆腐拼烧肉＋百灵菇扒双蔬, 心忖唔知够唔食。帮我写单个女侍应烚得很，叫佢写时候佢已经四围望想叫黑衣部长帮拖，唔知一个都无，于是衫袋喥出纸硬著头皮亲自操刀。讲名，佢收唔到，咁讲把啦，总共３个４位数字，都落得好慢，重要refer番menu慢慢抄番个名落佢张纸同我张咭喥！佢行去counter喥系725pm，之后我见到其他落完单都有张电脑printout attached埋张咭喥，系我冇。唔放心于是揾个年青黑衣男部长A check有冇落单，佢check完话有，于是放心等。呢间德兴楼底高，新干净企理，不过唔够冷气，加上唔少人食火，冷气应该开大Ｄ。等一轮，第一味终于出场，系煎酿豆腐拼烧肉。我坐张圆中间位当时乜都冇，个位传菜／侍应先生当时亦只系得我个碟系个tray喥，佢居然将碟（
萤子消化不良，冇打边炉。叫小菜佢呢样又唔好、样又唔食，话食d清清，结果佢第一样拣煎瑶柱莲藕饼（激死！咁叫清清?）
佢话无乜胃口，只叫多两个小菜–煎酿豆腐拼烧肉＋百灵菇扒双蔬, 心忖唔知够唔食。
帮我写单个女侍应烚得很，叫佢写时候佢已经四围望想叫黑衣部长帮拖，唔知一个都无，于是衫袋喥出纸硬著头皮亲自操刀。讲名，佢收唔到，咁讲把啦，总共３个４位数字，都落得好慢，重要refer番menu慢慢抄番个名落佢张纸同我张咭喥！
佢行去counter喥系725pm，之后我见到其他落完单都有张电脑printout attached埋张咭喥，系我冇。唔放心于是揾个年青黑衣男部长A check有冇落单，佢check完话有，于是放心等。
呢间德兴楼底高，新干净企理，不过唔够冷气，加上唔少人食火，冷气应该开大Ｄ。
等一轮，第一味终于出场，系煎酿豆腐拼烧肉。我坐张圆中间位当时乜都冇，个位传菜／侍应先生当时亦只系得我个碟系个tray喥，佢居然将碟（长方形）放离我最远边！然后从碟中椤走张纸仔就粒声唔出、眼尾唔睄咁走！
叫一粥一饭，白饭一上萤子同我齐齐oh一声，因为净睇都知d饭偏软淋，而我系从来唔食软淋饭。此乃个人喜好，怪不得人。公平起见，将之搁在一旁前试了一小口，果然又软又散又唔热又无饭味，心安理得弃之。这时候萤子问我要否做劳作，要的话她那碗浆糊可派上用场。我好奇地试了一口，果然又杰又烂又唔热又无米香，亦顺利弃之。
食至怕温温吞吞，两头唔到岸。要吗让我凉透心、要吗给我热腾腾，正是辣要辣得过瘾、酸要酸到够喉。
第一碟味道一般，吃完后藕饼出场，仍然放在我遥远的附近–边！
藕饼属于莲藕切碎混于其中的一类，味道不俗，瑶柱丝清晰可见，但太多油，而且很少莲藕。似乎莲藕不会比肉贵吧，多加无妨挂？
第二碟将尽时，第三碟也到了。但造型上跟百灵菇扒双蔬风马牛不相及，于是叫年青黑衣男部长A来了解一。之后佢著碟四围行，周围问d伙记，中途有客问佢点菜，佢重将碟放住系先，慢慢同个客讲解。唔系嘛！你系都帮我处理先啦！最终佢搞成好几分钟先走番椤埋我张咭去处理。
良久，依然冇声冇气，年青黑衣男部长A主动埋问系唔系未，我话答案你肉眼可见，非常明显啦！佢话确实系佢煮错，家个行政经理处理紧。虽然佢一直都好有礼貌，唔好意思前，唔好意思后咁，但系个行政经理处理紧即系点？行政总煮紧就话！我特登话：”等碟到，我d粥、饭都冻哂啦！”年青黑衣男部长A好有礼貌咁话“帮你换过”，我拒绝佢好意，因为换极都唔会好食。不过至少态度正面。
等到840pm，顶唔顺，灵丸已经一触即发之际，年青黑衣男部长A就捧碟！
百灵菇扒双蔬–唔知我有冇搞错呢，草菇唔算”蔬”挂? 佢居然系百灵菇扒小棠菜及草菇！碟好多油，唔好食。我估呢喥都系食火罢啦！
赶时间，食到一半已经叫年青黑衣男部长A埋单，因为用恒生咭半价所以叫埋单同时亦递上恒生咭, 年青黑衣男部长A问我“用恒生咭呀何？”，我答系，不过佢无收我张咭，重叫某侍应咭去柜面先。后来一位中年黑衣女经理椤单来，我见佢无半价就同佢解释刚才情况，点知佢仲话”要埋单前椤张咭出㖞！”我好扯火，佢个”㖞”字未出我已经讲我晨早就椤咭出叫埋单，重递上恒生咭，系个部长死唔收！佢居然问我系边个？哈！呢个系追究责任时候咩！正想发脾四之际，年青黑衣男部长A露面，我立即指住佢话系佢！
认人手续做完，中年黑衣女经理走过去同年青黑衣男部长A讲一轮先去再埋单。
花太多时间一餐，去太兴食多餐好过。
吃我一记灵丸！
张贴