Mela Italian & Spanish Cuisine (已搬遷) 新店位置

见到呢间红当当嘅餐厅系广场正中间，专食意大利菜，有至爱扒同埋西班牙海鲜饭就入去试试。🎏😊六点几入到去，唔算多人，可以自己拣位👍🏻餐厅布置都几开阳入边用唒红枱布、红櫈，充满热情风味。肉眼扒都好大块，叫咗五成熟切开肉质啱啱好，见到啲肉粉红色，唔会过熟过老。若牛扒再厚身啲就正了！伴碟菜都好特别，有个蜜糖蒜头，啲蒜头味唔会太浓烈，餐厅加咗好多蜜糖，甜甜地，又有啲蒜香，几好味！海鲜西班牙饭比较特别，唔似其他餐厅用咗好多茄膏。呢款西班牙海鲜饭颜色较黄，面头铺左好多好大只嘅蚬！胀卜卜、好鲜甜！😍👍🏻个饭充满蚬汁嘅鲜甜味，好好味！仲有鱿鱼、海虾。野饮summer holiday，入边有柠檬汁、橙汁同埋菠萝汁，饮落酸酸甜甜几开胃！令一杯红梅汁正常，唔会过甜过淡。最后叫咗杯甜品，意大利云呢嗱雪糕配牛油脆脆，云呢拿雪糕唔算话好特别，但系下面铺咗好多牛油脆脆脆，好脆好香口！混系雪糕就好好食，加分！