影片
更多
2017-07-09
170 浏览
晌爱琴坊巧明街𠮶边嘅入口走入嚟之后，就系呢间啱啱晌附近工厦搬嚟几个月嘅Mela Italian & Spanish Cuisine。餐厅系全开放式，同埋用咗好似花圃咁嘅半身屏风略为阻隔。卖嘅系意大利同西班牙菜，由前菜到甜品都有提供，另外仲有二人套餐，我哋呢次就散叫几款嘢食试试。烟三文鱼凯撒沙律配温泉蛋，先将中间嘅温泉蛋刺穿，再同烟三文鱼、罗马生菜、烟肉干、烘面包粒、凯撒沙律酱捞匀。烟三文鱼食起嚟咸香，质感有咬口又唔松散，个沙律加埋温泉蛋之后仲多咗份creamy嘅感觉。西班牙黑毛猪火腿白菌芝士酿炸薯球，同类型餐厅大多都系球形，呢度就搓成长条形。外层炸得脆口，中间加咗切粒西班牙黑毛猪火腿同白菌嘅薯蓉就软滑。鲜蚬蒜片辣椒车厘茄榄油汁手制墨汁阔条面，连壳嘅蚬肉厚身肥大，咬起嚟弹牙多汁、鲜甜无沙。手制墨汁阔条面口感烟韧，榄油汁入面嘅辣椒味唔明显，但有淡淡嘅罗勒香，都几惹味。56℃低温慢煮羊架配小银鱼香草酱，卖相吸引。羊架用咗低温慢煮嘅方法烹调，再煎到五成熟，肉嫩腍身、膻味轻而有油香，仲可以点埋黄芥末酱同小银鱼香草酱。伴碟嘅烤蒜头少咗份辛辣，味道甜而软糯，其他嘅炸薯粒、烤法边豆、车厘茄都唔错。薄荷
晌爱琴坊巧明街𠮶边嘅入口走入嚟之后，就系呢间啱啱晌附近工厦搬嚟几个月嘅Mela Italian & Spanish Cuisine。
餐厅系全开放式，同埋用咗好似花圃咁嘅半身屏风略为阻隔。
卖嘅系意大利同西班牙菜，由前菜到甜品都有提供，另外仲有二人套餐，我哋呢次就散叫几款嘢食试试。
烟三文鱼凯撒沙律配温泉蛋
8 浏览
0 赞好
0 留言
烟三文鱼凯撒沙律配温泉蛋，先将中间嘅温泉蛋刺穿，再同烟三文鱼、罗马生菜、烟肉干、烘面包粒、凯撒沙律酱捞匀。烟三文鱼食起嚟咸香，质感有咬口又唔松散，个沙律加埋温泉蛋之后仲多咗份creamy嘅感觉。
西班牙黑毛猪火腿白菌芝士酿炸薯球，同类型餐厅大多都系球形，呢度就搓成长条形。外层炸得脆口，中间加咗切粒西班牙黑毛猪火腿同白菌嘅薯蓉就软滑。
鲜蚬蒜片辣椒车厘茄榄油汁手制墨汁阔条面
7 浏览
0 赞好
0 留言
鲜蚬蒜片辣椒车厘茄榄油汁手制墨汁阔条面，连壳嘅蚬肉厚身肥大，咬起嚟弹牙多汁、鲜甜无沙。手制墨汁阔条面口感烟韧，榄油汁入面嘅辣椒味唔明显，但有淡淡嘅罗勒香，都几惹味。
56℃低温慢煮羊架配小银鱼香草酱
12 浏览
0 赞好
0 留言
56℃低温慢煮羊架配小银鱼香草酱，卖相吸引。
56℃低温慢煮羊架配小银鱼香草酱
16 浏览
0 赞好
0 留言
羊架用咗低温慢煮嘅方法烹调，再煎到五成熟，肉嫩腍身、膻味轻而有油香，仲可以点埋黄芥末酱同小银鱼香草酱。伴碟嘅烤蒜头少咗份辛辣，味道甜而软糯，其他嘅炸薯粒、烤法边豆、车厘茄都唔错。
薄荷青柠梳打，饮起嚟清新消滞。
餐厅系开放式，环境有少少似food court，不过呢晚试完就觉得食物表现好好，唔系敷衍了事。
张贴
