笑林寺

营业中

休息中

上网见人地食呢间cafe好似几得意，啲相又影得好靓，搞到我心郁郁成日想黎试，不过要去到港岛有啲远，难得周末想去远少少饮杯咖啡relax下，就黎呢间笑林寺试试佢。.我地晏昼3点左右黎到，岩岩好仲有一台空位，唔洗等位。座位之间几阔落，坐得都好舒服。睇完个menu就自己出去嗌野食。都几肚饿，我地嗌左两碟意粉同两杯咖啡。唔太肚饿既话都可以嗌下面包，都几吸引。我地嗌左桃花岛同草上飞，味道唔错，都好creamy，意粉质地硬硬地，系我钟意既质感。份量都适中。野饮方面就嗌左一杯mocha同latte，咖啡味偏苦，唔算好香，但都ok。港岛黎讲咖啡有更好既选择，但用餐感觉相当唔错，有机会都会同朋友再黎试下。