太興

营业中

休息中

虽然话食嘢系讲味道，但有时欣赏一间餐厅未必系因为佢好食，就好似太兴咁，猴子都几buy佢哋嘅品牌宣传策略，尤其佢个未来feel广告。都系唔讲咁多，费事被人以为猴子收咗钱。今日特登帮衬佢哋食个早餐，揭揭餐牌，即刻被佢哋嘅「人气早餐」吸引住，因为系一整版介绍呢款早餐，除咗相片影得好优雅之外，仲有一大段文字讲解早餐嘅重要性同埋呢份早餐有乜特色。咁吸引，于是马上叫咗个人气早餐N1。份早餐有火腿通粉、炒蛋、多士，至于饮品，猴子点了一杯热奶茶。味道方面，火腿通粉冇乜惊喜，算系不过不失，而炒蛋系炒得几嫩滑，多士就略嫌干咗啲，最好涂上牛油之后等啲牛油渗多啲入去先食就会好味啲。最后想提吓个港式奶茶杯，佢杯身劲厚，可以好好咁保持热饮嘅温度，而上面亦印埋个太兴logo，几有特色。