Plato Cafe & Bistro (Mikiki)

之前食过吴松街嘅Plato Cafe & Bistro，呢晚发现原来Mikiki亦有分店，印象中价钱合理，食物质素亦不错。二人套餐价钱系$458，包咗餐汤、前菜、意大利饭/粉、扒类、甜品及饮品，选择非常之丰富。餐汤系南瓜忌廉汤，南瓜味浓郁，入口好滑，味道不俗。前菜我地拣咗酸忌廉烟肉薯薯条，薯条炸得非常香脆，配以酸忌廉及烟肉，非常惹味香口。主食系波士顿龙虾汁意大利饭，龙虾算大只，入口鲜甜，意大利饭煮得烟靭，布满龙虾汁鲜味。西班牙黑毛猪鞍架 - 肉质鲜嫩，带微微焦香，入口好juicy好味，配菜有焗薯角及西兰花等配菜。甜品系cheese cake，份量都唔细，芝士味道好rich, 质地亦非常creamy。餐饮点咗热柠茶及热柚子蜜各一杯，属正常发挥。另外要赞环境舒服好坐，食物质素好，啱晒同朋友倾偈。