小食糖 (已結業)

行街攰攰哋，想饮杯嘢坐低抖吓，又唔想去starbucks。发现开咗小时光个friend『小食糖』，星期日五点几，见冇咩人静静哋就入去休息吓。地方比小时光狭窄好多，啲櫈摇摇吓好似唔系好稳阵咁😅本身想嗌芋头麻糬包，上次小时光卖晒，今次小食糖又卖晒...其实系咪唔返货啦？嗌咗榛果焦糖拿铁同兔仔包，即红豆核桃包，都几好味。咖啡嚟先，个包等咗好耐都未有，望吓班员工上晒枱食饭，我问个包有未，先有个人如梦初醒去夹个包俾我，话系啱啱蒸起...但只兔仔背脊已经严重爆开咗，露晒馅🙈小食糖同小时光走嘅服务路线都系一样，店员嘅面都系一贯西西哋😹★兔仔包，好味但爆了...★榛果焦糖拿铁，正常冇特别，附送嘅方块酥几好味，个杯好可爱。食个快饭都可以考虑，如果一班人饭聚就唔啱，太狭窄同迫，木櫈好矮同硬，坐得耐会唔舒服。