Mini Club (已結業)

Item: Mini Club
Rating: 5
Author: jackie.ip.395

401 食记

味道

环境

服务

卫生

抵食

12603

铜锣湾

$201-400

西式海鲜酒吧蚝吧

348

jackie.ip.395

等级4

223

早排一直都想嚟Mini Club度食嘢,因为有个friend成日都send佢个海鲜拼盘出嚟诱惑我~阿肥知道自己今日会比较早收工,所以就带咗我嚟铜锣湾分店食晚饭喇不过以前净系知道佢喺尖沙咀同旺角有舖,原来铜锣湾都有一间,唔知系咪三间之中最新嘅呢(?!)铜锣湾呢间舖劲易揾,喺地铁站C出口一出望过对面已经见到喇,仲要喺骆克駅一楼,劲方便。䢂门一打开就会见到Mini Club嘅霓虹灯装置,而餐厅里面柔和嘅灯光令到整个场地充满咗优闲溢意嘅感觉,职员仲安排咗坐喺窗口旁边嘅高枱位置俾我哋,从窗口望落去下面人来人往嘅繁华景象,更加觉得有所歇息呢~而咁啱我哋呢个位置就喺正餐厅嘅粉红色巴黎铁塔隔离,我就顾住影相阿肥就冇我咁好气好专心咁睇吓有啲乜嘢美食原来呢度都系用电子餐牌,扫一扫个ipad已经可以图文并茂咁知道了解哂佢哋嘅食物,见到Signature Cocktail𠮶版就更加兴奋,佢哋啲嘢饮全部都好靓同埋喺设计方面花咗唔少心思。经过阿肥一轮思考后,我哋两个人就决定叫咗以下几款食物：法式白酒煮青口($78蚊),本人真系好钟意食呢个菜式,喺出面食好多地方都只系著重忌廉汁嘅味道,反而呢度嘅白酒味好重好浓烈,带

早排一直都想嚟Mini Club度食嘢,因为有个friend成日都send佢个海鲜拼盘出嚟诱惑我~阿肥知道自己今日会比较早收工,所以就带咗我嚟铜锣湾分店食晚饭喇

不过以前净系知道佢喺尖沙咀同旺角有舖,原来铜锣湾都有一间,唔知系咪三间之中最新嘅呢(?!)铜锣湾呢间舖劲易揾,喺地铁站C出口一出望过对面已经见到喇,仲要喺骆克駅一楼,劲方便。䢂门一打开就会见到Mini Club嘅霓虹灯装置,而餐厅里面柔和嘅灯光令到整个场地充满咗优闲溢意嘅感觉,职员仲安排咗坐喺窗口旁边嘅高枱位置俾我哋,从窗口望落去下面人来人往嘅繁华景象,更加觉得有所歇息呢~而咁啱我哋呢个位置就喺正餐厅嘅粉红色巴黎铁塔隔离,我就顾住影相阿肥就冇我咁好气好专心咁睇吓有啲乜嘢美食

203 浏览

1 赞好

0 留言

原来呢度都系用电子餐牌,扫一扫个ipad已经可以图文并茂咁知道了解哂佢哋嘅食物,见到Signature Cocktail𠮶版就更加兴奋,佢哋啲嘢饮全部都好靓同埋喺设计方面花咗唔少心思。经过阿肥一轮思考后,我哋两个人就决定叫咗以下几款食物：

法式白酒煮青口($78蚊),本人真系好钟意食呢个菜式,喺出面食好多地方都只系著重忌廉汁嘅味道,反而呢度嘅白酒味好重好浓烈,带出咗青口嘅鲜味,我钟意吖

仲要青口都有十几廿只,呢个价钱真心抵食。不过就有几只因为未开口所以食唔到,希望餐厅可以注意番呢一点啦~

西班牙伊比利黑毛猪火腿(24个月)伴芝士拼盘

西班牙伊比利黑毛猪火腿(24个月)伴芝士拼盘($278蚊),阿肥其实好专一,只要有Parma Ham嘅地方佢一定唔会放过尝试嘅机会,而呢度仲要俾佢见到系话24个月嘅添!更加令佢流哂口水啦~盘嘢嚟到之后张枱争啲就唔够位放,份量超大又超多,里面除咗主角巴马火腿之外,仲有黑松露车打芝士+特级巴马臣芝士+山羊奶芝士+黑松露酱+鹅肝酱配全麦脆片,另外仲有黑毛猪沙乐美肠添~虽然我系一个唔太钟意食Parma Ham嘅人,因为每次食亲我都觉得啲肉有一阵好似膻味咁,但系见阿肥话呢盘系高档嘢嚟,把心一横我都决定再试。与其话佢正方形细细块𠮶啲系脆片,我觉得佢比较似饼干,上面有啲啲黑点点嘅就系黑松露酱+鹅肝酱,配埋山羊奶芝士嘅味道原来好夹,我就拎咗块黑毛猪沙乐美肠放上去一齐食,都几好味呀。阿肥就对啲Parma Ham极满意,话冇嚟错啦~!虽然话24个月嘅火腿系贵价嘢嚟,但餐厅俾嘅份量都好足够唔会孤寒架,阿肥今次真系食番够皮

佢仲有好多新鲜嘅沙律火箭菜衬底,食咗啲咁重味嘅火腿食番啲菜清新中和吓~

本来谂住叫海鲜米纸沙律卷嘅但系职员话今日卖哂,所以就拣咗呢款狂野摩天轮($128蚊),因为睇相好似呢个嘅食物比较轻量,唔洗惊两个人食唔哂~心入面就当然系觉得个摩天轮可以呃like啦

嚟到之后确实冇令我失望,总共五格嘅摩天轮小篮子分别盛载住五款唔同味道嘅炸物：炸生蚝+炸紫薯+炸带子+炸虾棒+吉列炸虾。而每款食物嘅下面佢都用牛油纸同埋小小菜垫底,感觉好好可以等佢哋吸下多余嘅油份,个摩天轮仲可以郁得嘅添!食完一款转一转就可以食另外一款,好鬼趣致~呢度嘅炸物整体都算整得唔错,有几款我都好钟意食,炸紫薯系最好味架因为本身紫薯甜甜地佢啲炸粉亦唔算厚,入面够腍唔会实的的,炸虾棒同吉列炸虾虽然两样都系用虾整但系两者嘅分别好明显嘅,炸虾棒嘅口感就好似春卷咁,皮够薄被炸至香脆可口,份量仲好似有五/六条咁多,完全无需礼让大家都一定有得食。而餐厅本身提供咗两小兜酱料泰式辣酱同埋开胃沙律酱,点一点即刻增添风味。吉列炸虾就好似日式小食咁,咬开啖啖都系虾肉~炸带子本身佢系一个波咁我哋仲以为系唔知乜嘢丸嚟,咬开先至发现原来佢系大大粒嘅带子,正吖

我平时唔食炸生蚝嘅不过呢度呢只一啲都唔腥,值得一赞。

Main course我哋叫咗呢款极上十二安士炭烧安格斯牛仔骨($158蚊),上菜嘅时候份量已经系两条,一人一条就啱啱好。最满意嘅就系牛扒腌得好够味,原来系用咗迷迭香+鼠尾草+百里香烤制,唔怪之得块牛扒咁香,油脂分布亦算平均,肥肉不太多,侧边仲有啲喜玛拉雅山岩盐可以沾上,提升肉质鲜味,多一份味道层次。有小小惊喜嘅就系原来伴有焗薯仔一小个,味道出奇地好有啲似去Super sandwich咁,里面除咗加咗小量沙律酱之外,仲有啲烟肉粒一齐焗,好彩佢细细个咋如果唔系真系食唔哂呢

相信唔少女士都一定会俾呢份The Love of Eiffel($258蚊)嘅甜品所迷到,当然我都唔例外啦

一场嚟到必然要点嚟威吓~啲主菜食哂之后职员就会清理枱面然后就拎呢座咁宏伟嘅巴黎铁塔出嚟俾大家浪漫一番,我本来拎部手机出嚟谂住影吓相架咋,点知佢问我ready好未(?!)噢~~~原来佢仲会启动喷烟效果

犀非利呀!!!条片我都录咗差唔多成分钟,佢个烟雾模式都可以维持好耐

连阿肥都觉得赞叹呢~铁塔主要分为两层盛载甜品,上面一层大慨有三粒不同味道嘅马卡龙,酒心朱古力,榛子朱古力同埋一朵用糖胶整嘅玫瑰花。三粒马卡龙上面都印有好靓嘅图案同埋字母,而酒心朱古力亦有宝石嘅外型,心型嘅榛子朱古力上面仲写住I love you嘅添,除了浪漫就是甜蜜~下面𠮶层主要就有芒果布甸,原味泡芺,榛子泡芺,蓝莓芝士蛋糕,纽约芝士蛋糕同埋绿茶红豆慕丝,全部都整得好精致细腻,质素绝对可以比得上酒店级嘅水准。每一款嘅味道都唔会过甜,就算好似阿肥咁怕食甜品嘅男人都可以同我瓜分一半,各自食到自己喜欢嘅口味,其实呢个份量三至四个人嚟食都绝对冇问题,不过浪漫嘅一对,通常只系属于两个人啦...right(?!)

喺咁有情调嘅环境之下,我哋一人都嗌咗一杯signature cocktail,佳肴当然要配美酒,呢一款Honey Bee($118蚊)嘅卖相就好比一幅充满阳光嘅图画,大黄色杯子里面就装住主要由橙酒+阿德沃卡特酒+百利甜酒+菠萝汁+蜜桃调制而成嘅鸡尾酒特饮,另外一个黄色小杯子里面就装住咗蜂蜜蜜糖,各人可以按自己嘅喜好添加,中和酒味,所以呢一款嘅味道都几适合唔钟意酒味浓烈嘅朋友,更何况阿肥系一个菠萝+蜜桃嘅爱好者。上面仲有两块甜脆饼,放咗两只小蜜蜂造型嘅可可豆,再加上太阳花嘅装饰,根本就同ipad里面嘅图片完全一致,并无取巧呀。

而我就纠结咗好耐,到底我拣个杯靓丫?定系要拣自己钟意饮嘅口味呢?其实真系好难取舍,结果就点咗呢杯Ice Bear($118蚊),佢系由白利甜酒+牛奶+Oreo曲奇饼+冧酒+糖浆+白可可酒调制而成嘅鸡尾酒特饮,Baileys加忌廉就装住咗喺个小玻璃杯子入面,可以就你个人嘅喜好倒落去大嘅透明玻璃杯里面搅拌饮用,饮品上面仲有个密封嘅漏斗装住咗可可脆片,云呢嗱雪糕仲有可爱动物掌型嘅棉花糖,又有得饮,又有得食,大满足吖