Mini Club (已結業)

今天book咗位同朋友嚟Mini Club豪一餐，2 个人点咗成枱菜式，无办法喇，样样菜式睇落去都好吸引，最后我哋选嘅基本都系海鲜为主，名符其实嘅海鲜大餐，哈哈；首先来到lee度唔少得嘅就系佢哋嘅冰镇手工啤酒，我哋要咗两只口味，试下口感如何，本人试过之后觉得Honey Dew口感唔错，另外一只味道稍微清咗少少喇；跟住系卖相有特色得嚟又几盏鬼好饮嘅Strawberry Me，有针筒、威化饼同朱古力做装饰，仲有一只新新鲜嘅Strawberry系上面嘅一款可爱型低浓度调酒饮品，食得饮得又玩得咁先叫盏鬼；食嘅方面有酒香同忌廉搭配嘅白酒忌廉汁大蚬，每只大蚬上都淋满忌廉汁，一啖食落去就feel到阵阵酒香，但又唔会太浓郁，会食醉嘅感觉，如果觉得味道太浓嘅朋友可以搭配埋法式多士一齐食；试完大蚬之后，饮啖冰冰嘅啤酒，再继续向新鲜饱满嘅无敌海鲜拼盘进发，唔使讲嘢，绝对系大件夹抵食；最后系卖相一样好吸引嘅极尚法式多士，一边饮住Strawberry Me，一边食就唔会觉得太干，味道都算OK喇；总体嚟讲，今餐食得唔错，加上lee间Mini Club装修格调都比较有特色，下次同朋友聚餐可以再嚟试下其他菜式；