Mini Club (已結業)

朕今日约左一大班随从同朕吃喝玩乐，朕一行人去左Mini Club食海鲜，饮饮酒。一坐低，店小二就俾左部iPad朕，朕又唔打机，俾朕干什么？店小二就话呢部虽则系一部iPad，但系佢作为一部iPad而佢又兼职做一个餐牌，亦都系一件好正常既事黎啫...... 好！点野呢啲粗重野梗系留俾朕既随从做啦，作为一个花生友，朕就梗系坐埋一边剥花生啦！食得花多，有啲口干，朕就问下随从们叫啲咩野饮，随从们就话又要红酒又要白酒，朕就一于少理，叫左支Craft Beer。 《九龙手工啤酒》，呢支全麦啤酒，口感略浓，入口有好香既果味，手工啤酒值得一赞！！！跟住就黎左个生蚝，朕就食左只南非Live Oyster，有淡淡既海水味，入口甘香，口感Creamy。跟住就系是日焦点，大大海鲜拼盘。海鲜拼盘入面，又有翡翠螺，又鲍鱼，又睡蟹，又龙虾咁。翡翠螺鲜甜爽口，睡蟹同埋龙虾又劲多膏，只鲍鱼又够哂弹牙，同个拼盘搏斗完，都饱左一半。跟住就黎左个《巴东牛肉配特色包点》，随从们抢先朕一试，哗！辣到喷火，但系朕之前去巴东食既巴东牛肉都系香啫，同埋少少辣，唔会喷火架，一定系啲随从们不济，等朕试下。个巴东牛肉既肉质都几稔同埋几入味，个