Arte by Padaria (已結業)

今日经开上环搭地铁，入闸前见到呢间饼店，比佢个蛋糕柜吸引咗，就带咗呢两件返去试吓。迷你梨子蛋糕个外型好吸引喔，里面嘅梨子酱汁酸酸甜甜好开胃，食得出好香嘅梨子慕丝，挞面上嘅啫哩原来系云尼拿味，好烟靭质感好正，个挞皮好脆。另外一款叫做《襌修》，黑色嘅外型上面有两条好似竹枝嘅点缀，香浓嘅芝麻味，食落仲有粒粒芝麻嘅质感，呢个蛋糕嘅整体口感会令人有好满足嘅感觉，仲有佢一啲都唔甜腻，系我喜欢嘅口味呢，下次如果再经过就试埋其他先。