第三站

出旺角除咗食放题， 原来都可以选择楼上 cafe㗎， 今次老公带路， 话之前同朋友试过， 今次带我嚟食返个优闲晚餐。 系旺角金鸡广场， 我都真系第一次去， 上25楼嘅 Station 3 Cafe以简单舒适为主， 大大张白色梳化可以舒舒服服咁同朋友情人倾吓计都唔错嘅选择。 晚餐 Set都唔少选择但多以意粉为主。 另外我地 Dinner set都加咗$30 要头盘同甜品。 头盘系新鲜嘅田园沙律。 我就选平时爱食嘅黑松露带子鲜菌烩意大利饭 $108. 佢地嘅带子以细粒伴 Risotto, 黑松露味道唔算太浓。 老公就选了墨西哥香辣肉丸烩意粉 $103, 少少辣汁令人更加开胃， 味道 ok. 另外再加多个小食炸鱼柳配薯条 $44, 足有3块鱼柳， 外脆肉软， 我就最爱食薯条喇。 饮品方面我就加咗 薄荷朱古力加 cream (+$6). 好正呀， 浓浓嘅朱古力味加上淡淡嘅薄荷香。 老公就要咗芒果乳酪 (+$10) 同样好饮。 甜品我地就叫咗法国朱古力蛋糕同蓝莓芝士蛋糕作完美嘅一餐， 老公果然无介绍错。