摩豆 (已結業)

晌旺角行街𠮶阵去咗Modos买小小嘢食，有啲想食罗宋汤鸡蛋仔，不过又好似太创新，怕会怪怪咁，最后买咗积及橙朱古力鸡蛋仔。当日大概有三、四个人晌度等紧，因为呢间个舖位只系收银同厨房，加上所有嘢都系即叫即制，所以啲人就要企晌行人路同马路边等，不过呢条内街唔算繁忙，都唔会成日俾人撞到嘅。等咗数分钟，我嘅积及橙朱古力鸡蛋仔就到手，外表呈微微橙色，且轻易睇见粒粒朱古力嘅踪影。听闻佢嘅灵感来自积及（Club）出品嘅橙饼，鸡蛋仔外脆内软，虽然系香精𠮶种橙香，但浓郁得来算讨好，每粒鸡蛋仔入面都布满半溶粒粒朱古力。初头以为只系gimmick嘢，估唔到食落都OK。