真鮨 (已結業)

呢间Moshi Moshi楼下只有一张四人台，侧边就有条楼梯。走上去就有大约三十几个位，店舖面积唔大，不过以香港呢个弹丸之地嚟讲就系平常事。最入系半开放式厨房，环境虽小，但总算四正。今次试咗几样嘢，先嚟嘅系章红芥末沙律，章红鱼刺身切得薄薄，既有咬口又有鱼香。淋上酸酸嘅柚子醋，当中仲有微量芥末，加埋一齐食几醒胃。海胆甜虾油甘鱼丼，实物卖相唔错。铺面嘅刺身有海胆、甜虾同油甘鱼，海胆有三大瓣，食落甘甜。甜虾嘅size都唔细，口感脆身。油甘鱼切得厚薄啱啱好，肥美爽滑。底下嘅米饭微暖有醋香，都几软糯。佢哋嘅串烧系即叫即烧，所以都等咗几耐。海胆芝士蘑菇串，第一次试呢个配搭嘅串烧，海胆同芝士烧到半溶，下层嘅蘑菇juicy，感觉唔错。香草薄荷梳打，杯入面有几片薄荷叶，同埋仲有罐头杂果，饮落有薄荷清香兼爽喉。