真鮨 (已結業)

今日做完GYM 夜夜地, 又好想食日本野, 朋友之前去过一间系佐敦开到零晨11点既日本料理(MOSHI MOSHI), 佢话几扺食所以去试下~ 去到装修简洁舒服, 几好坐~ 睇下餐牌, 价钱好扺食下~ 刺身并盘256蚊, 寿司18-30蚊左右~串烧都系28-38蚊不等重点佢滨烧南非鲍鱼2只 $168~ 所以今日豪少少~ HAPPY下~ 叫咗两只, 一来就系刺身并盘, 有三文鱼, 剑鱼腩, 油甘鱼, 带子, 八爪鱼, 剑鱼腩油份多到不得了好肥美, 劲香口, 带子好新鲜弹牙, 油甘鱼好浓鱼味~ 厨房仲好有心咁摆得好靓仔, 打卡一流丫~ 滨烧南非鲍鱼, 都几大只~ 肉质一D都唔UN~ 仲烧得好鬼香~ 再讲下D串烧~ 我地叫咗鸡皮露荀串~ 鸡皮烧得好香~ 俾十串我都食得哂~ 烧牛舌心~ 一咬入面D牛脂爆出黎~ 好香口~ 烧烟肉荔枝串~ 烟肉浓味再配上荔枝清甜~ 哩个配答真系要赞下佢~ 好好味~~ 哩一餐好满足丫~~ 值得推介的~