Leela

营业中

休息中

我哋喺Leela庆祝咗一个特别嘅母亲节早午餐，一入到门口已经觉得好靓！店面简洁得来又优雅，融合咗现代印度风格，好吸引到我哋。到咗之后，接待职员好好笑容咁迎接我哋，然后店员带咗我哋去到我哋嘅枱。我哋坐喺个阳光充足嘅地方，啱啱喺balcony旁边，天气又好，大家心情更好。我哋唔系咁熟悉印度菜，所以直接问咗女侍应推荐啲咩。佢好helpful，跟据我哋嘅要求，比如话要少啲辣，然后介绍咗餐厅独有嘅特色菜，仲有周末special。对于每道菜背后嘅故事同每种材料嘅解释都好详细，令我哋整个饮食体验唔单止系味道同香气上，仲包括咗制作过程嘅理解，真系一个好好嘅体验。每道菜都摆盘好精致，当然亦都好好味。喺Leela嘅体验真系令人难忘，我哋一定会再嚟试其他菜。强烈推荐「bone marrow biryani」、「coconut sea bass」同「tandoori chicken musallam」。