Ember (已結業)

今日约咗老公喺铜锣湾食晚饭，佢话同事好介绍，呢间餐厅好有气氛，沿著鹅颈桥行过咗湾仔消防局好快就到。今日星期一，未到七点，餐厅已经有不少食客，大家放工就可以落嚟happy hour。餐厅整晚播放著轻松英文歌/音乐，心情也感觉很愉快。凯撒沙律，罗马生菜配新鲜车厘茄，沙律汁唔会太多，洒满干烟肉碎，醒胃最啱。法式龙虾汤配蒜蓉包，这个汤又香又浓，如果份量再多一些会更理想。西班牙黑毛猪火腿菠萝比萨，厨师毫不吝啬，落咗好多蕃茄酱同芝士，但冇影响饼底，依然脆卜卜，火箭菜好香口，黑毛猪火腿味道够，菠萝细细粒，唔会盖过主角的特色，恰到鲜味。烤西班牙黑毛猪扒伴荷兰豆烧手指薯配烧汁，这个也是黑毛猪，但完全是另一个食法呢！猪扒厚切香煎，唔会太熟也唔韧，绝对保存到肥美的肉汁，坚好食，食到停唔到口，沾一些烧汁会更突显猪肉的鲜味，整个菜很完美。大家都好钟意菠萝，我们每人都叫咗杯Music Tower，卖相好吸引，用新鲜菠萝条喺杯上面砌左几个"井"字，菠萝熟晒，好甜，饮品本身主要系菠萝汁，也有一些芒果汁及柠檬汁，味道都好夹。这里也有许多不同款式的小食，下次揾朋友嚟倾计就最啱。