西樹泡芙 (尖沙咀站)

营业中

休息中

返工太累，放工要慰劳下自己。系尖沙咀站见到香喷喷嘅泡芙就即刻买左！朱古力三重奏泡芙 $29闻到浓浓朱古力嘅香气，一咬落去，外脆内软嘅泡芙结合朱古力忌廉同朱古力酱，入口即溶，朱古力嘅香浓味道瞬间爆发，真系朱古力爱好者唔容错过嘅好味道。浓朱古力布甸泡芙 $29钟意食朱古力嘅我又点会错过另一个朱古力泡芙。呢款泡芙唔单止有松软爽口嘅外层，仲有浓郁嘅朱古力布甸。一口咬落，朱古力嘅香浓同布甸嘅滑顺交织喺一齐，味道丰富，感觉非常满足。芒果乳酪泡芙 $32另外都买左个水果系列，呢款泡芙以新鲜芒果同滑顺嘅乳酪为主，清新嘅芒果香气迅速弥漫口中，搭配柔滑嘅乳酪，简直系一场清新爽口嘅飨宴。如果你系芒果迷，呢款绝对系必试之选。