木子甜品 (已結業)

宇治仙草芋圆 $23我向来好钟意食台湾嘅甜品，因为有好多烟烟韧韧嘅野，例如芋圆，珍珠等等。今次久违咁经过调景岭呢边，见到呢间系地铁站隔离嘅台湾甜品店就即刻试左。呢间野设计走简约路线，俾人一种清爽嘅感觉。不过不设堂食。餐牌上嘅选择都几多，有豆花，奶冻，刨冰，连心太软都有。不过我就梗系拣番芋圆啦。一碗仙草入面有一球绿茶雪糕，红豆，芋圆，蕃薯圆，个底就铺满仙草。绿茶雪糕感觉似冰多d，唔系好滑，不过绿茶味几出，中和番红豆嘅甜。芋圆同蕃薯圆都有芋头同蕃薯味，唔会话好似咬紧擦胶咁一d味都冇。仙草好滑，不过一食嘅时侯系暖嘅，如果可以冻番d就应该唔会搞到旧雪糕咁快融。总括黎讲都几好味。