Waffills (已結業)

时下港女最钟意食 3 层架high tea，查实朕话你知港男都一样系！  不过有时 tea 食得多，试下新野食吓比利时窝夫都好！  大家识阿文咁耐，都知朕唔钟意羊群心理，隔离果间日本绿茶舖点解咁鬼多人三十几度都仲要排，实在令人费解。  呢间 waffills 开左好几个月，一直都好想黎食，今次我就苹果瘾发作，唔理咁多，即刻嗌咗个「雪糕苹果批窝夫」！  呢个窝夫玉桂味好香，而且窝夫里便嘅馅料通通都系暖暖既苹果肉！甜得来又酸酸地，好开胃！但系最紧要都系个雪糕！  佢呢度分普通版同比利时版（即系奢华版）。朕虽然系天之骄子，同时份人为人低调，所以当然系拣咗「奢华版」。本月之选系 summer berries ice-cream 佢酸酸地嘅口味其实同苹果馅窝夫十分夹。因为本身苹果都已经有果糖，再甜落去真系不得之了，所以陪啲酸酸地嘅雪糕最啱！  不得不提嘅系佢嘅窝夫，热辣辣嘅窝夫、甜耶耶嘅果肉、脆卜卜既外层、软绵绵嘅苹果馅料，加埋鲜忌廉食罪恶感超强，但我相信唔食嘅话，内疚感更大。