影片
更多
2010-10-27
23-10-2010路过呢间拉面店 N 次都未食过, 是日趁可以早了一点食 dinner, 呢度仲要得一台客 , 又入嚟试试. 2 人约 7:00pm 坐低, 叫了一人一拉面, 再 share 一客唔小的「小食」, 整体系觉得几好食, 不过价钱实在超贵㖞:-烟熏幸福麦猪配 buffalo mozzarella ($120; 正名不明): 餐牌上有「焗」的另一款及烟熏呢款, 不过店员话「焗」的系「腩位」, 烟熏的就系猪肩位,「无咁肥」, 怕饱腻的我哋当然拣了后者. 即叫即 smoke (!), 面头有挞溶了的 buffalo mozzarella, 仲有大量黑胡椒酱汁, 食落肉质松软亦有肉汁, 味道几 "smoked", 但黑胡椒味太太太太太抢了, 亦愈食愈辣, 唔算十分喜欢; buffalo mozzarella 预咗较淡味, 再遇上超劲浓烈的黑胡椒味,「存在感」当然变得更「渺小」吧. 盐味拉面 ($100): 汤底劲热, 卖相清澈呈淡金色, 饮落系清而不寡的鸡汤味道, 真材实料的 叉烧薄如 carpaccio , 食落亦嫩滑; 面条亦几爽滑, 不过都几碱水, 扫兴 整
23-10-2010
路过呢间拉面店 N 次都未食过, 是日趁可以早了一点食 dinner, 呢度仲要得一台客 , 又入嚟试试. 2 人约 7:00pm 坐低, 叫了一人一拉面, 再 share 一客唔小的「小食」, 整体系觉得几好食, 不过价钱实在超贵㖞:-
烟熏幸福麦猪配 buffalo mozzarella ($120; 正名不明): 餐牌上有「焗」的另一款及烟熏呢款, 不过店员话「焗」的系「腩位」, 烟熏的就系猪肩位,「无咁肥」, 怕饱腻的我哋当然拣了后者. 即叫即 smoke (!), 面头有挞溶了的 buffalo mozzarella, 仲有大量黑胡椒酱汁, 食落肉质松软亦有肉汁, 味道几 "smoked", 但黑胡椒味太太太太太抢了, 亦愈食愈辣, 唔算十分喜欢; buffalo mozzarella 预咗较淡味, 再遇上超劲浓烈的黑胡椒味,「存在感」当然变得更「渺小」吧.
盐味拉面 ($100): 汤底劲热, 卖相清澈呈淡金色, 饮落系清而不寡的鸡汤味道, 真材实料的 叉烧薄如 carpaccio , 食落亦嫩滑; 面条亦几爽滑, 不过都几碱水, 扫兴 整体其实几好食, 但收人 $100 一碗却连碱水味都去唔清, 感觉实在有点儿那个.
朋友食酱油拉面 ($100) 加半熟蛋 ($12)... 只蛋俾我食了半只 , 又真系够溏心 (而非「流」心!) 入味, 蛋黄湿润香甜, 早知我都加一只 酱油汤底当然多一份鱼干味, 肉味及浓鲜, 味道亦较有层次, 配上爽滑又无咁碱水的面条 (归功于较浓味的酱油汤底遮遮掩掩?), 比我碗盐味汤底的好食得多! 不过卖 $100 一碗抵唔抵, 又见仁见智.
食物不错, 环境就几型格, 似 lounge 多过拉面店 , 店员们亦有礼貌又 helpful, 配套都好的.
埋单连加一近 $200 一个头, 好似早几个月喺新宿帮衬某拉面连锁的本店, 都唔使咁贵...
张贴
