影片
更多
2014-05-01
106 浏览
咩叫「历久常新」？意思喺啲嘢隔远咗，但都仲喺有种新簇簇嘅感受。最近，就有机会去到中环苏豪一间楼上隐秘小店「Naked Gurume Gyarari」，品尝其西日混和菜，日本食材配合西式煮法，西式食材添加日本味道，虽然小弟唔喺经常食日本菜，但今晚仍有种历久常新嘅感觉。狭小嘅门口已够晒隐蔽，仲要经过长长黑白楼梯长廊先可上到达餐厅，有种既隐敝，又神秘嘅感觉。上到一楼，原来一边喺可容纳约30人嘅主餐厅，另一边喺画廊兼可包场搞活动嘅VIP房，餐厅 + 画廊？咪就喺店名嘅意思啰，经店主解释，原文「Gurume Gyarari」为日本拼音，意思就喺「Gourmet Gallery」，OK！明白晒。始终带著艺术之意，所以晌装修上都花咗唔少心思，主餐厅环境以深啡衬及黑，配以不同聚焦点嘅射灯，令人感觉型格而不冷酷。入门口有个迷你吧枱，转而进入用餐区，墙边嘅日式枫叶壁画最吸晴，此外，餐厅尽头就喺开放式厨房，一赌厨师做菜嘅风采；最钟意喺枱櫈嘅编排，唔压迫，空间感大，令人觉得唔会有种一味向钱看做生意嘅俗气。另一边厢画廊则以白色为主系，挂有多幅油画，正中间放有一张多用途大长枱，简约平实。翻一翻餐牌，菜式主要分为生
狭小嘅门口已够晒隐蔽，仲要经过长长黑白楼梯长廊先可上到达餐厅，有种既隐敝，又神秘嘅感觉。上到一楼，原来一边喺可容纳约30人嘅主餐厅，另一边喺画廊兼可包场搞活动嘅VIP房，餐厅 + 画廊？咪就喺店名嘅意思啰，经店主解释，原文「Gurume Gyarari」为日本拼音，意思就喺「Gourmet Gallery」，OK！明白晒。
始终带著艺术之意，所以晌装修上都花咗唔少心思，主餐厅环境以深啡衬及黑，配以不同聚焦点嘅射灯，令人感觉型格而不冷酷。入门口有个迷你吧枱，转而进入用餐区，墙边嘅日式枫叶壁画最吸晴，此外，餐厅尽头就喺开放式厨房，一赌厨师做菜嘅风采；最钟意喺枱櫈嘅编排，唔压迫，空间感大，令人觉得唔会有种一味向钱看做生意嘅俗气。
另一边厢画廊则以白色为主系，挂有多幅油画，正中间放有一张多用途大长枱，简约平实。
翻一翻餐牌，菜式主要分为生蚝、沙律、汤品、招牌寿司卷、一口小食、主菜等，款式唔算多，都以贵精不贵多为原则，希望将每道菜都做得如艺术品般精致嚟呈献给客人。
Hotate with Crystalline Ice Leaves $168餐牌中嘅3款沙律，以依个用上冲绳冰叶最为特别，较少进口嘅冰叶，口感冰凉清脆，加上外表好似有一层露珠，独特有趣；而大大粒嘅北海道带子，肉厚质柔，鲜味一流，再以少少烟肉碎衬托，拌上芝士油醋汁，令味道变化有层次，配搭创新而不紊乱，不愧喺店中主打沙律。
Lobster Risotto Bisque $168依道菜喺饭定汤，起初都有啲疑惑。虽然菜名定性为意大利饭，但有别一贯以意大利米加入汤汁慢烩方式，而且，若你以食意大利饭个感觉去品尝依道菜，恐怕若有所失。既然店方以西日混和菜为卖点，更加唔喺一间意大利餐厅，所以，其实「意大利饭」喺用上混和蕃茜及青柠嘅珍珠米，配菜喺爽弹嘅龙虾肉，再注入滚热辣嘅龙虾汤，先至成为依道龙虾「汤饭」，饭粒黏糯带青香，而龙虾汤非常浓郁，入口啖啖精华。
Black Truffle Lotus Root Chips $78餐牌中占最多就喺「一口小食」（Small Bites），有超过成10款之多，莲藕通常点煮多？炆啦！炸又如何？其中一道脆炸莲藕片伴黑松露，估唔到莲藕都咁有可塑性。莲藕片切得薄薄，炸后酥脆非常，香口不腻，而伴酱喺沙律酱拌入柚子汁，再加上黑松露酱，沾点酱汁，酸甜中又散发一份幽香，大可作为餐前送啤酒小食。
Toro y 48 Months Iberico Ham Wrap (3 wraps) $168拖罗摆向日厨手上，非做刺身莫属，但晌度，咩都创意先行，又点会单单用嚟做刺身。将一大片48个月熟成嘅西班牙黑毛猪火腿，加上用拖罗、藜麦所做嘅「鱼蓉」，配以冲绳名物海葡萄，店主仲教路将所有食材卷起一啖口，最能食出味道。入口细味，火腿油润甘香，拖罗嫩滑无渣，由于加咗藜麦及海葡萄，多添一份咬口感及海水咸鲜，实在有火花。
Tuna Tartar (4pcs) $138可以用美食艺术品嚟形容依道菜，唔止食材配搭，就连卖相、色彩都甚有心思。以炸云吞皮垫底，放上色泽红润又混有青瓜粒、姜粒、藜麦及松露油嘅吞拿鱼他他，最后放上流心嘅鹌鹑蛋，画龙点晴嘅小嫩叶作点缀，构图立体，色彩对比鲜明，真喺未食都已令人开心。整体食味复杂，口感多变，又成为一道西日小魔法。
Foie Gras Pairs with Guava Gelato $138虽然构图摆位依然很有「艺术」气息，但这道煎鹅肝俾人感觉就无咁颠覆。用咗少少冲绳黑糖煎过嘅鹅肝，味道油润又带点清纯甜味，而鹅肝面上嘅自制蓝莓酱，又可以稍稍中和鹅肝带嚟嘅油腻。不过，讲到解腻力强非𠮶一球自家制石榴意大利雪糕莫属，酸甜细致，冰凉清爽。
试咗几款一口小食，再落嚟轮到上主菜，其实，主菜选择唔太多，3款意粉加1款牛肋骨。Uni & Quinoa Pasta $188
扁意粉煮得入口烟韧有咬口，已经喺一道意粉成功嘅起点，而意粉中加咗烟肉碎、车厘茄、巴马臣芝士，配蒜蓉忌廉汁，令整个意粉味道丰富咗，加埋藜麦？无错，又喺藜麦，又多分健康。此外，主题亮点「海胆」，一大撮放晌意粉面，加埋圆润晶莹嘅三文鱼籽，有睇头，海胆味道绵柔甘甜，唔错嘅组合。
Braised Tako & Bone Marrow Pasta $198另一道意粉主菜，喺章鱼（即喺八爪鱼）同牛骨髓嘅配搭，绝对让人体验西日食材混和嘅味道。扁意粉当中同样加咗唔少配料，如蕃茄、藜麦、干芫荽，不过，由于牛骨髓唔多，而且，好易错过咗都唔知。另外，在意粉面之上嘅章鱼，以慢煮处理，出奇地口感好柔软滑溜，食落估佢唔到喺章鱼嚟添，极之得意。
Blueberry Sushi $128又话喺甜品，点解嚟客寿司？原来又喺大厨嘅大胆搞鬼创作，以超薄嘅青瓜片卷住海绵蛋糕，再加新鲜蓝莓所做成军舰形寿司甜品，伴以朱古力酱跟抹茶啫喱。一啖一件，轻怡清爽，之但喺仍有种唔喺食紧甜品嘅错觉。
好开心「尝新」咗咁多款创新嘅特色菜，除咗品尝美食，亦有机会跟店主及厨师交流，Naked唔单止菜式不拘一格，佢哋仲强调希望以最好质素嘅食材，却以最少调味嘅烹煮，务求突显食材中嘅真味，所以，煮𩠌做菜都喺一门艺术。
张贴
