GALBI TOWN

营业中

休息中

我今日真系超级开心，我揾到一间超新超干净超好食嘅韩国餐厅！呢间韩国餐厅嘅侍应全部都系韩国人，加上好多客人都系韩国人，代表着啲嘢食一定系超正宗，超好食！呢度地方超大，又有多间私人房，装修系行简约风，坐得非常舒服。上网见到好多人都有叫酱油蟹，但系我见到佢哋有买韩牛，就觉得劲吸引，所以就选择咗要韩烧，今日叫咗两份韩烧，其中一样系marinated galbi，第二样就系hanwoo，真系食得出有分别，虽然我自己觉得最好食嘅部位就系galbi，但系韩牛真系冇得输，真系入口即溶。而且呢度都有店员会帮你烧到佢刚刚好，肉质嫩滑，调味又唔会太咸，加埋泡菜一齐食真系超正！另外都叫咗个辣豆腐汤，唔会太辣，但系好多豆腐，加埋个汤底真系好似韩国食到嘅𠮶种味道！另外一样叫咗嘅就系生牛肉拌饭，佢用咗超多唔同嘅蔬菜，加埋生牛肉拌饭，真系好吸引！ 呢间我一定会再同其他朋友再嚟，因为真系太好食！