薄餅吧 (已結業)

自从一年前Penta hotel 喺新蒲岗开张后，时时听同事话酒店内的pizza 好抵食，最近先去试试pizzabar。每个pizza嘅size 几大，比一般lunch set 嘅6”pizza大，大约10”x6"长方形，而我个人比较钟意薄身一点，呢度嘅pizza虽然唔系最薄身的一种，但十分松脆，而且每款pizza材料十足，而今日食嘅Parma ham pizza十分足料，再加上我最爱嘅火箭菜，虽然唔能够食完全个pizza,但系已经系十分满足嘅lunch。朋友order嘅辣肉肠pizza亦唔错，略嫌饼底太厚。一向十分钟意Arizona,其中Ice lemon tea 系至爱。最重要系，如果比钱用信用咭，有85折优惠，呢度嘅pizza 大约$48-55, 再加上85折后真系十分之抵，而且呢度虽然唔系好多位，但始终酒店较新，而且隐藏于工厂区之内，暂时仍十分容易于lunch time 揾到位。