影片
更多
2015-10-28
360 浏览
今日同两个姊妹系旺角食完晚饭， 想揾个地方坐下倾下偈。 有人就提议话去甜品舖食甜品。呢间Next Station Dessert我个friend 话已经帮衬过几次。 环境好好坐， 而且每一种既西式甜品都好好味, 甜品卖相亦都好靓。 岩晒我地呢d钟意相机食先既女仔。 可能因为都成9点几 ，所以唔多人排队 。五分钟到已经安排到我地入座。我地三个都系芒果迷， 所以都嗌咗两个芒果的甜品 。第一个系芒果拿破仑($58)。个酥皮非常之脆卜卜。芒果亦非常甜， 吉士酱岩岩好唔会太甜。装饰用咗焗朱古力蛋白同红色晶莹剔透嘅糖片，睇得又食得。 我地将个拿破仑切开三份， 竟然都冇散开㖞,次次食餐拿破仑都会食到通枱系，所以真系好难得。 第二个甜品系芒果班戟($56)，呢个班戟好好味，个pancake皮好软熟，上面淋咗d芒果酱汁，入面有鲜芒果肉，忌廉同朱古力脆脆，口感好丰富。仲有芒果雪糕，食落有啲似芒果乳酪，各位芒果迷一定唔可以miss呢一道甜品啊！第三样甜品系朱古力心太软加自选酒心(三选一:Bailey,橙酒，士多啤酒酒同朗娒酒)，哈哈，我估朗娒酒应该系Rum酒卦~~ 今次拣咗Bailey's 。食之前将酒吱入
我地三个都系芒果迷， 所以都嗌咗两个芒果的甜品 。
第一个系芒果拿破仑($58)。个酥皮非常之脆卜卜。芒果亦非常甜， 吉士酱岩岩好唔会太甜。装饰用咗焗朱古力蛋白同红色晶莹剔透嘅糖片，睇得又食得。 我地将个拿破仑切开三份， 竟然都冇散开㖞,次次食餐拿破仑都会食到通枱系，所以真系好难得。
第二个甜品系芒果班戟($56)，呢个班戟好好味，个pancake皮好软熟，上面淋咗d芒果酱汁，入面有鲜芒果肉，忌廉同朱古力脆脆，口感好丰富。仲有芒果雪糕，食落有啲似芒果乳酪，各位芒果迷一定唔可以miss呢一道甜品啊！
第三样甜品系朱古力心太软加自选酒心(三选一:Bailey,橙酒，士多啤酒酒同朗娒酒)，哈哈，我估朗娒酒应该系Rum酒卦~~ 今次拣咗Bailey's 。食之前将酒吱入蛋糕里面，一切开朱古力流心就好似溶岩咁流出黎。朱古力味好浓郁，唔太甜，心太软外面焗得好脆，绝对无出色之作！加上曲奇雪糕，冷热交替咁食，正~
我地三个倾倾倾，地方好坐，真系坐几耐都得呀～店员好nice,不断会帮我地加水。我地细声讲，大声笑，真系好开心。下次再想食甜品，一定会再黎Next station Dessert。希望可以再试埋其他甜品呀~
张贴