Amber’s Table

营业中

休息中

24号太太生日，揾咗好多间餐厅，问下佢边间有兴趣。要揾啲新嘢呀先至冇咁闷啦，咁卒之揾咗呢一间send咗个menu畀佢，佢话ok。去到呢，其实我有少少意外嘅，虽然地方唔系好大，但系啲service呢，系真系可以讲话非常之高嘅。虽然我个标题话系星级，但系我都唔知乜嘢为之星级啦。冇所谓啦，食物嘅水准系中上。我点样话中上呢？就系唔系全部达到我嘅要求嘅，不过冇办法，因为我嘅要求比较奄尖。因为西班牙乳猪我喺西班牙食过好多次，所以我喺香港食嘅西班牙乳猪个感受系当然唔同㗎喇。咁我唔可以怪人。Anyway佢哋做得几好，我冇影相，我同我太太享受一个佢嘅生日晚餐，我哋冇做到𠮶啲相机食先嘅嘢。佢哋送咗张50蚊嘅coupon畀我，一个月内再去食嘅话，就可以用。我过两个礼拜呀又会过去，因为帮个仔庆祝生日。有机会试下啦，如果唔系太唔顺路嘅话。