影片
更多
2022-04-25
5018 浏览
晚市重开堂食嘅第一日🎉，我同我朋友一齐嚟到君悦酒店嘅茶园，事隔三个月，我觉得佢依然保持到昔日嘅水准😜，只不过系略嫌新鲜感未够。😞今次晚市自助餐仍然座无虚席💃，唯一唔同就系今日可以睇住中环日落用餐🌇，配埋钢琴优美嘅音乐🎹，景色同埋氛围都唔错。🥰我钟意茶园嘅原因系因为佢地方够大，枱同枱之间分隔够开，保留左足够嘅私隐度🕵🏻♂️。而且，佢嘅服务好细心，例如有侍应见到我餐巾整污糟咗，会即刻同我更换，有啲老人家唔方便出去攞食物，佢哋都好乐意帮手，呢啲就系专业嘅服务☺️讲完服务同埋环境，就梗系要讲下佢嘅食物。好老实讲，呢间酒店主打唔系百变，只系质素，佢嘅款式亦都唔多，只能够讲系贵精不贵多：😮头盘嘅沙律吧就唔多提，要有嘅toppings都有，亦都唔会有一只只乌蝇周围飞。🪰❌至于头款隔离就有唔同款式嘅面包🍞🥖🥐🥯，侧边亦都有唔同种类嘅芝士🧀🪤，我觉得呢间酒店几好嘅地方就系满足到我呢个芝士爱好者。😍行过少少就有🦞龙虾汤同埋其他热盘：先讲讲佢嘅龙虾汤，我唔钟意麦当劳🍟龙虾汤嘅原因系我会饮到佢嘅苦涩味😞，不过呢一间餐厅嘅龙虾汤好顺滑之余亦都唔会有苦味，饮到底部亦都有两三粒龙虾，感觉几滋味。😋😋😋隔离系鹅肝🦆草莓
今次晚市自助餐仍然座无虚席💃，唯一唔同就系今日可以睇住中环日落用餐🌇，配埋钢琴优美嘅音乐🎹，景色同埋氛围都唔错。🥰
我钟意茶园嘅原因系因为佢地方够大，枱同枱之间分隔够开，保留左足够嘅私隐度🕵🏻♂️。而且，佢嘅服务好细心，例如有侍应见到我餐巾整污糟咗，会即刻同我更换，有啲老人家唔方便出去攞食物，佢哋都好乐意帮手，呢啲就系专业嘅服务☺️
讲完服务同埋环境，就梗系要讲下佢嘅食物。好老实讲，呢间酒店主打唔系百变，只系质素，佢嘅款式亦都唔多，只能够讲系贵精不贵多：😮
头盘嘅沙律吧就唔多提，要有嘅toppings都有，亦都唔会有一只只乌蝇周围飞。🪰❌
至于头款隔离就有唔同款式嘅面包🍞🥖🥐🥯，侧边亦都有唔同种类嘅芝士🧀🪤，我觉得呢间酒店几好嘅地方就系满足到我呢个芝士爱好者。😍
行过少少就有🦞龙虾汤同埋其他热盘：
先讲讲佢嘅龙虾汤，我唔钟意麦当劳🍟龙虾汤嘅原因系我会饮到佢嘅苦涩味😞，不过呢一间餐厅嘅龙虾汤好顺滑之余亦都唔会有苦味，饮到底部亦都有两三粒龙虾，感觉几滋味。😋😋😋
隔离系鹅肝🦆草莓酱同埋血肠，自己唔系好钟意食血制品🩸，所以净系拣咗鹅肝。一入口件鹅肝啲油🛢爆发，成个口充满鹅油嘅香味，你可能会问会唔会好油腻，我觉得又唔会，毕竟佢下面块面包🥖都吸咗好多油，罪恶感冇咁高😈
再行远少少，就有厨师在场嘅熟食区：有法式牛杂汤🇫🇷同埋威灵顿牛扒🏴。法式牛杂汤——厨师已经将牛杂切好成一件件放喺碗内，你嚟到嘅时候佢就会将啲汤倒入去🥣，我本身冇乜兴趣，不过经唔起厨师热情嘅推荐，所以攞咗一碗嚟试。一试不得了，咸，好鬼死咸，大家唔想肾亏就唔好试😂😂😂
威灵顿牛扒——其实件牛扒一啲问题都冇，只不过系厨师刀工唔好，一切成块酥皮跌咗出嚟，卖相争少少🤏。
上回讲到茶园嘅前菜同埋热盘，今次我哋就要讲吓佢嘅海鲜同埋甜品：
茶园嘅海鲜🦐🦑🍤🦞真系唔多，都系得生蚝、青口、长脚蟹、田螺，海鲜区隔离仲有啲烟三文鱼🎣等等，青口长脚蟹🦀呢啲就急冻货色，只能够赞佢哋处理融雪❄️得好，食唔到雪味，不过海鲜味唔系好够。至于生蚝🦪我觉得佢系偏瘦削，食一两只好似都唔够喉，同埋生蚝吧师傅🧑🍳嘅速度好慢，好多时候都要排队等。⏲
重点嚟啦，喺开席初期，侍应就会介绍每人都有一只龙虾🦞，问你地想点样煮：清蒸♨️、冷盘❄️、定还是芝士焗🧀。作为芝士嘅狂热分子，我哋梗系拣咗芝士焗龙虾🦞
食到中段，龙虾就上桌，非常大只，而且佢嘅摆盘好有特色，厨师会好贴心🥰咁将龙虾钳嘅肉挑出来，再放喺龙虾头𠮶度一齐焗，食嘅时候一啲都唔论尽，每一啖都系龙虾肉，每一啖都食到佢嘅鲜味同埋弹牙爽口！谂返起都拇指大动👍
食到咁上下，就梗系转战去甜品🎂
今次佢有得食窝夫🧇、雪糕🍨、同埋马卡龙等等
佢嘅雪糕😍非常值得一试，因为全部都系自家制，味道亦都唔错。
我特别推介各位试吓今期嘅🥭芒果糯米饭🇹🇭，真系神还原泰国嘅味道，尤其是系上面𠮶层椰浆🥥，竟然可以喺雪糕里面食到椰浆同埋糯米呢个层次，真系CLS
同埋要大力推介佢嘅🌰开心果泡芙，真系超超超超超超超超超超超超级好食😋佢嘅cream系用开心果制作，极之顺滑同埋令人满足😝😝😝
——————为食分界线——————
📍 茶园 (湾仔)
湾仔港湾道1号君悦酒店阁楼
推介指数 🤰🤰🤰🤰(4/5)
好味指数 🤰🤰🤰🤰(4/5)
抵食指数 🤰🤰🤰🤰(4/5)
环境推介 🤰🤰🤰🤰🤰(5/5)
人均消费： $800
#mariofatfat #hkfoodie #Foodie #为食马利奥 #马里奥自助餐 #茶园 #湾仔 #君悦酒店 #buffet #自助餐 #中环 #日落 #沙律 #芝士 #威灵顿牛扒 #英国 #法式牛杂汤 #法国 #鹅肝 #苹果 #草莓 #士多啤梨 #恒生信用卡 #优惠 #堂食 #甜品
张贴
