鄭記士多

营业中

休息中

放假日冇咩特别野做，就周围揾吓有咩嘢好食..揾揾下又揾到呢间郑记士多，睇过食评佢系出名饮咖啡奶茶，但系价钱就一啲都唔亲民。同男朋友过去，叫咗一杯奶茶同埋一杯咖啡，老板好有心机咁冲咖啡， 一路冲一路讲解！睇住成个过程，又使煲到煮咖啡，完全感受到佢对咖啡嘅执着！老板见我哋两个人好细心咁帮我地每样分左两碗，俾我哋两样都可以试晒！佢嘅咖啡同奶茶都唔落糖，仲会叫我地分段饮感受下唔同嘅温度有咩唔同嘅口感！系佢嘅指导之下好似真系有啲分别🤔🤔同场加映，老板自家制嘅龙虾汤雪糕😍仲要用烘咗嘅牛角包一齐食！龙虾汤雪糕真系好好味， 每一啖都好似饮紧冻嘅龙虾汤咁样，加埋暖暖地的牛角包，劲夹！但系留意番，呢个系唔公开发售，食唔食到就睇老板心情啦！同个老板倾吓计饮下咖啡食下包，咁就过左两三个钟啦😰